छोटी छोटी गैया छोटे छोटे ग्वाल
छोटो सो मेरो मदन गोपाल.....छोटी छोटी गैया
आगे आगे गैया पीछे पीछे ग्वाल
बीच में मेरो मदन गोपाल......छोटी छोटी गैया
कारि कारि गैया गोरे गोरे ग्वाल
श्याम वरण मेरो मदन गोपाल....छोटी छोटी गैया
घास खाये गैया दूध पिये ग्वाल
माखन खाये मेरो मदन गोपाल....छोटी छोटी गैया
छोटी छोटी लकुटि छोटे छोटे हाथ
बंसी बजाये मेरो मदन गोपाल.....छोटी छोटी गैया
छोटी छोटी सखियाँ मधुबन बाग
रास रचायें मेरो मदन गोपाल.....
छोटी छोटी गैया छोटी छोटी गैया
छोटे छोटे ग्वाल छोटो सो मेरो मदन गोपाल..
No comments:
Post a Comment